17:51 Լուիշ Նանի. "Ես Նանին եմ, ես Քրիշտիանու Ռոնալդուն չեմ" | |
 Անգլիական "Մանչեսթեր Յունայթեդի" պորտուգալացի կիսապաշտպան Լուիշ Նանին հայտարարել է, որ ինքը չի տանում, երբ իրեն համեմատում են իր հայրենակից Քրիշտիանու Ռոնալդուի հետ: ՈւԵՖԱ-ի պաշտոնական կայքը մեջբերում է Նանիի խոսքերը. "Ես Նանին եմ, ես Քրիշտիանու Ռոնալդուն չեմ: Չեմ ցանկանում, որպեսզի մեր միջև զուգահեռներ անցկացնեն, քանի որ մենք խաղային տարբեր ոճեր ունենք": Պորտուգալացին հույս ունի, որ Պորտուգալիայի ազգային հավաքականը հինգերորդ անգամ կկարողանա մասնակցել Եվրոպայի առաջնությանը: Կիսապաշտպանը, ում 25-ամյակը կլրանա բոսնիացիների հետ կայանալիք հանդիպումից երկու օր անց, չի ցանկանում Աշխարհի առաջնության նման բաց թողնել Եվրոպայի առաջնությունը` իր ազգայինի ելույթներին հետևելով որպես երկրպագու. "Ես հույս ունեի, որ ՀԱՀ-ում կայացած Աշխարհի առաջնությունը կլինի իմ աշխարհի առաջնությունը: Անընդհատ պատրաստվում էի, չէի բաց թողնում անգամ մեկ պարապմունք, սակայն եղավ այն, ինչից ամենաշատն էի փորձում խուսափել: Այս մեկ տարում ես ավելի եմ կատարելագործվել թե տեխնիկապես, թե թիմային խաղով և հույս ունեմ, որ ինձ համար դեռ ամեն ինչ առջևում է":
| |
|
| |
| Total comments: 1 | |
|
| |