Ֆրանսիական "Պարի Սեն Ժերմեն" ակումբի հանրահայտ կիսապաշտպան Կլոդ Մակելելեն El Confidencial իսպանական պարբերականի լրագրողի հետ փոքրիկ հարցազրույց է ունեցել, որի ընթացքում անդրադարձել է լոնդոնյան "Չելսիում" Մոուրինյոյի հետ անցկացրած տարիներին: Մադրիդի "Ռեալի" ու Ֆրանսիայի ազգային հավաքականի նախկին ֆուտբոլիստն ասել է. "Ժոզեն բնածին հաղթող է, նա գիտի, թե ինչպես օգտագործի ֆուտբոլիստներին և նրանցից ցանկալի արդյունք ակնկալի մինչև մրցաշրջանի վերջը: Այդ առումով նա մեծ մարզիչ է: Խնդիրն այն է, որ հետո  նա քո մասին շատ հաճախ ուղղակի մոռանում է: Նա հաշվենկատ, դաժան և ամբիցիոզ մարդ է: Մոուրինյոն միշտ ֆուտբոլիստներին իր փառքի ստվերում է պահում, թեև յուրաքանչյուր թիմում էլ գտնում է սիրելիների ու պաշտելիների: Մենք միասին խմել ենք, կատակել ենք, բայց ինչ-որ պահից սկսած նրան նոր` աստղային ֆուտբոլիստներ սկսեցին  հետաքրքրել: Նա ոչ մեկին չէր թույլատրում ավելի հայտնի լինել, քան ինքն էր":