 Բրիտանական հեղինակավոր The Daily Mail պարբերականը տեղեկացնում է, որ անգլիական "Մանչեսթեր Յունայթեդի" սկաուտները վերջին մի քանի շաբաթների ընթացքում զբաղված են եղել "Նյուքասլի" երիտասարդ հարձակվող Դեմբա Բային հետևելով: Նշվում է, որ "մանկունյացիները" դեռևս հանդես չեն եկել պաշտոնական առաջարկով, սակայն դա պլանավորում են անել մոտ ժամանակներս: Քանի որ Դեմբա Բայի պայմանագիրը "Նյուքասլի" հետ գործելու է դեռևս մի քանի տարի, ուստի սևամորթ հարձակվողին գնելու համար "կարմիր սատանաները" ստիպված կլինեն "Նյուքասլին" վճարել Բայի հրաժարագինը, որից հետո արդեն կմնա միայն պայմանավորվածություն ձեռք բերել անձամբ 26-ամյա ֆուտբոլիստի հետ: Ըստ ոչ հավաստի աղբյուրների` Բայի հրաժարագինն այդքան էլ մեծ գումար չէ:
|