19:38 Մանչինի. "Ագուերոն կլինի Տևեսին փոխարինողը" | |
 Արգենտինայի
ազգային հավաքականի երկու առաջատար հարձակվողներ Կառլոս Տևեսը և Սերխիո Ագուերոն
ունեն անչափ բարդ բնավորություն և չեն ցանկանում ելույթները շարունակել իրենց
ներկայիս ակումբներում: Տևեսը փորձում է դուրս գալ "Մանչեսթեր Սիթիի" սարդոստայնից,
իսկ Ագուերոն էլ հայտարարել է, որ չի ցանկանում մնալ Մադրիդի "Ատլետիկոյում": Այս
հարցը լուծելու համար "քաղաքաբնակները" երկար նստել ու մտածել են, որ առաջին կարճահասակ
արգենտինացուն կարող է փոխարինել մյուս կարճահասակը: Այս կապակցությամբ "քաղաքաբնակների" գլխավոր մարզիչ իտալացի Ռոբերտո Մանչինին բրիտանական Sky Sports լրատվամիջոցին տված
հարցազրույցի ժամանակ ասել է. "Մենք դեռ գտնվում ենք սպասողական վիճակում: Ագուերոն
կարող է հիանալի հանդես գալ "Սիթիում", ինչպես Կառլոսը: Կունը երիտասարդ է, եռանդուն
և կարող է շատ գոլեր հեղինակել Մարիո Բալոտելլիի և Էդին Ձեկոյի հետ մեկտեղ:Այն հարցին, թե արդյո՞ք "քաղաքաբնակներն" արդեն
պաշտոնական առաջարկ են կատարել "Ատլետիկոյին" Ագուերոյին ձեռք բերելու համար,
Մանչինին պատասխանել է. "Ճիշտն ասած, այո: Սակայն մենք դեռ պետք է սպասենք":
| |
|
| |
| Total comments: 0 | |