09:24 Մանրամասներ Հայաստանի ազգային ընտրանու խաղերի մասին | |
 Ինչպես տեղեկանում ենք Հայաստանի Ֆուտբոլի Ֆեդերացիայի մամուլի ծառայությունից, մեր ազգային հավաքականի համար այսօր հերթական ընկերական հանդիպման պայմանավորվածություն է ձեռք բերել: ՀՖՖ-ի և Բելառուսի ֆուտբոլի ֆեդերացիայի միջև այսօր ստորագրվել է պայմանագիր, ըստ որի` ՖԻՖԱ-ի օրացույցով ընկերական հանդիպումների պաշտոնական օրը` օգոստոսի 15-ին, Երևանում կկայանա Հայաստան-Բելառուս ընկերական հանդիպում: Հարկ է հիշեցնել, որ Հայաստանի ու Բելառուսի ազգային հավաքականները 2010թ.-ի փետրվարին ընկերական հանդիպում էին անցկացրել Թուրքիայի Անթալիա քաղաքում: Այդ ժամանակ բելառուսները հաղթել էին 3-1 հաշվով, իսկ 2008թ.-ի փետրվարին էլ Հայաստանը Մալթայում Բելառուսին հաղթել էր 2-1 հաշվով: Նշենք, որ կողմերը ժամանակին մրցակիցներ են եղել նաև Աշխարհի առաջնության ընտրական փուլում: Հավելենք, որ փետրվարի 28-ին Հայաստանը Լիմասոլում ընկերական հանդիպում կանցկացնի Սերբիայի հետ, իսկ մեկ օր անց Լարնակայում կհանդիպի Կանադայի ազգային ընտրանուն: Սպասվում է, որ Հայաստանի ազգային հավաքականը ևս մեկ ընկերական հանդիպում կանցկացնի այս տարվա մայիսին` հյուրընկալվելով Ֆրանսիայի հավաքականին:
| |
|
| |
| Total comments: 0 | |