18:29 Մարադոնային կրկին տուգանել են "երկար լեզու" ունենալու համար | |
 Բուն նյութին անցնելուց առաջ հիշեցնենք, որ ներկայիս դրությամբ Դիեգո Արմանդո Մարադոնան գլխավորում է ԱՄԷ-ի առաջնությունում հանդես եկող "Ալ-Բասլ" ակումբը: ԱՄԷ-ի ընթացիկ մրցաշրջանի շրջանակներում "Ալ-Աինայի" հետ կայացած հանդիպման ժամանակ արգենտինացի մասնագետին դուր չեկավ այն, որ մրցակից թիմի գլխավոր մարզիչ Կոսմին Օլարոյը որոշեց նշել իր սաների հաղթանակը հենց մարզադաշտում: Հանդիպումից հետո կայացած մամուլի ասուլիսի ժամանակ Արգենտինայի ազգային հավաքականի լեգենդար հարձակվող Մարադոնան լրագրողների հետ զրուցեց մրցակից թիմի մարզչի կատարած արարքի մասին` այն անվանելով "անշնորհքություն": Այս արտահայտության համար ԱՄԷ-ի ֆուտբոլի ֆեդերացիան որոշում է կայացրել պատժել արգենտինացուն` վերջինիս տուգանելով շուրջ 9000 դիրհամով, որը մոտ 2500 դոլարին համարժեք գումար է, ինչպես նաև նախազգուշացում տալ: Այս ամենին հակառակ` Մարադոնան հայտարարել է, որ ինքը շարունակելու է քննադատել Օլարոյին: Հավելենք, որ արաբական քաղաքներում անշնորհքության մեջ մեղադրելը մեծ հանցագործություն է համարվում:
| |
|
| |
| Total comments: 0 | |