11:07 Մարկո վան Բաստենն ու Փոլ Սքոուլզը Ուեյն Ռունիի մասին | |
 Հոլանդիայի ազգային հավաքականի նախկին գլխավոր մարզիչ ու աշխարհահռչակ ֆուտբոլիստ Մարկո վան Բաստենը անգլիական ԶԼՄ-ների հետ շփման ժամանակ բարձր է գնահատել "Մանչեսթեր Յունայթեդի" անգլիացի աստղ Ուեյն Ռունիի հարձակվողական տաղանդը, նամանավանդ Լոնդոնի "Չելսիի" հետ "Չեմպիոնների լիգայի" 1/4 եզրափակիչ փուլի խաղերի ընթացքում: Վան Բաստենի կարծիքով Ռունին մեկ գլուխ բարձր է եղել "Չելսիի" հարձակվողներից. "Ռունին իսկական տղամարդ է ու մարտիկ: Դրոգբայի լավագույն օրերն արդեն անցյալում են, իսկ ահա Տորեսն էլ չի կարողանում ստաբիլ ու որակյալ խաղ ցույց տալ: Անելկայի մասին չեմ ցանկանում նույնիսկ որևէ բան ասել: Այսօր անգլիական "Պրեմիեր լիգայում" շատ քիչ են տաղանդավոր հարձակվողները, իսկ նրանցից լավագույնն, անկասկած, Ռունին է":Իր ակումբակից ու հայրենակից Փոլ Սքոուլզը նույնպես բարձր է գնահատել Ռունիի` վերջին շրջանում ցուցադրած խաղը. "Ռունին դուրս է եկել վատ շրջանից, նա այսօր խաղում է նախկինի պես. միշտ միտված է դեպի մրցակցի դարպասը, սակայն եթե դիրքը հարմար չէ ճիշտ հարված կատարելու համար, նա կարող է նաև փոխանցել: Ահա նրա հիմնակակն առավելությունը մնացած հարձակվողների համեմատ: Ռունին միայնակ կարող է մեր թիմին առաջ տանել, սակայն նա թիմային խաղացող է ի տարբերություն մեր մյուս հարձակվողների` Բեբեյի ու Բերբատովի: Իսկ Չիչարիտոյի մասին չեմ ուզում խոսել, տղան ուղղակի ճիշտ ճանապարհով է շարժվում":
| |
|
| |
| Total comments: 3 | |
|
| |