18:35 Մեգատրանսֆերը կկայանա | |
 Բրիտանական հեղինակավոր The Guardian պարբերականը տեղեկացնում է, որ պորտուգալական "Պորտուն" կարողացել է համաձայնության գալ Լոնդոնի "Չելսիի" հետ, և ամառային տրանսֆերային պատուհանի բացվելուն պես "արիստոկրատները" կգնեն պորտուգալական "վիշապների" բրազիլացի ուժային հարձակվող Հալկին: Հաղորդվում է, որ բրազիլացու տրանսֆերի համար լոնդոնցիները կվճարեն ընդամենը 38 մլն ֆունտ ստեռլինգ (մոտ 46.5 մլն եվրո): Այո՛, հենց ընդամենը, քանի որ համեմատած Հալկի հրաժարագնի` 80 մլն եվրոյի հետ` այս գումարը շատ քիչ է: Այս տրանսֆերը կարելի է հավաստի համարել, քանի որ ավելի վաղ տեղեկություններ կային, ըստ որոնց` "Չելսին" կարողացել է համաձայնության գալ Հալկի հետ և մնում է միայն համաձայնության գալ հենց "Պորտուի" հետ:Տեղեկացնենք, որ բացի "Չելսիից" Հալկի ծառայություններով հետաքրքրված էր նաև Մախաչկալայի "Անժին", ընդ որում` Lancenet պարբերականի ունեցած տեղեկություններով` Մախաչկալան ներկայացնող թիմը բրազիլացու համար պատրաստ էր վճարել 40 մլն եվրո: Հավելենք, որ Պորտուգալիայի ավարտված առաջնությունում Հալկն անցկացրած 26 հանդիպումներում դարձել էր 16 գոլի և 11 գոլային փոխանցման հեղինակ: | |
|
| |
| Total comments: 0 | |