15:26 Մեկնարկած մրցաշրջանը Վենգերի համար կլինի վերջինը | |
 Հեղինակավոր Goal.com սպորտային պորտալը տեղեկացնում է, որ Լոնդոնի "Արսենալի" ֆրանսիացի գլխավոր մարզիչ Արսեն Վենգերն իրեն մոտ գտնվող մարդկանց հայտնել է, որ մեկնարկող մրցաշրջանն իր համար վերջինն է լինելու: Ֆրանսիացին, ով նախորդ ամառ էր նոր պայմանագիր կնքել լոնդոնյան գրանդի հետ, խոստովանել է, որ իր աշխատանքն այս ակումբում մոտենում է երջանիկ հանգուցալուծմանը: Ֆրանսիացի մասնագետը դժգոհ է այն փաստից, որ նոր սեփականատեր Սթեն Կրոնկեի գալուց հետո իր իշխանությունը թիմում նվազել է: Բացի դրանից, նա պարբերաբար քննադատության է ենթարկվում երկրպագուների կողմից, ովքեր նշում են, որ ակումբն արդեն 6 տարի է, ինչ ոչինչ չի կարողանում հաղթել: Աղբյուրի տեղեկացմամբ՝ Վենգերը հանդիպել է "Մանչեսթեր Սիթիի" ներկայացուցիչների հետ, սակայն պարզ չէ, թե որն է եղել այդ հանդիպման քննարկման առարկան:Նշենք նաև, որ Վենգերը ոչ պաշտոնական բանակցություններ է վարել ֆրանսիական "ՊՍԺ"-ի հետ, որը վերջերս նոր քաթարցի սեփականատեր է ձեռք բերել: Հաղորդվում է, որ Վենգերը հիանալի հարաբերությունների մեջ է փարիզյան ակումբի նոր ղեկավարների հետ:
| |
|
| |
| Total comments: 0 | |