22:52 Մեկը խոսում է, մյուսը` լռում | |
Մերսիսայդյան "Լիվերպուլի" գլխավոր մարզիչ Քենի Դալգլիշն ամփոփել է Անգլիայի ազգային առաջնության 29-րդ տուրի "Մանչեսթեր Յունայթեդի" հետ հանդիպման արդյունքը. "կարմիրները" 3-1 հաշվով հաղթանակ են տոնել Սըր Ալեքսի "սատանաների" նկատմամբ: "Լիվերպուլի" մարզիչն ասել է. "Մեր երկրպագուները հաստատ արժանի էին տեսնելու այս կարևոր հաղթանակը: Հարկ է նշել, թե ինչ ճանապարհով է տրվել մեզ այս հաղթանակը. մենք գործում էինք շատ կազմակերպված և վստահ, սա է ամենաէականը: Իմ սաներն արժանի են միմիայն գովեստի: Այս տարի միշտ չէ, որ մեզ հաջողվում է հաղթել նման մակարդակի թիմերի: Ինչ վերաբերում է Կայտին, ապա նա արժանի էր այդ հեթ-տրիկին, քանի որ յուրաքանչյուր հանդիպման ժամանակ հոլանդացին մեծածավալ աշխատանք է կատարում": Իսկ ահա "Մանչեսթեր Յունայթեդի" շոտլանդացի գլխավոր մարզիչ սըր Ալեք Ֆերգյուսոնը "Լիվերպուլից" կրած պարտությունից հետո հրաժարվել է շփվել բրիտանական ԶԼՄ-ների ներկայացուցիչների հետ, ինչպես նաև արգելել է իր սաներին պատասխանել լրագրողների հարցերին: Նշենք, որ նմանատիպ քայլով Ֆերգյուսոնը կարող է ավելի ուժեղացրել Ֆուտբոլային ասոցիացիայի զայրույթն իր հանդեպ: Հիշեցնենք, որ շոտլանդացին նման քայլի դիմել էր նաև հանդիպման նախօրեին` հրաժարվելով մասնակցել խաղից առաջ անցկացվող ավանդական մամուլի ասուլիսին: Սըր Ալեքսը հրաժարվել էր նաև հարցազրույց տալ ակումբային հեռուստաալիքին:
| |
|
Total comments: 0 | |