Հայաստանի ազգային հավաքականն ակնհայտորեն ունի ԵՎՐՈ 2012 մրցաշարի խմբային փուլում 1-ին տեղ ընկնելու հնարավորություն, եթե մնացած երկու տուրերում մենք ու սլովակները երկու հաղթանակ տոնենք. Հայաստանը՝ Մակեդոնիայի և Իռլանդիայի ընտրանիների նկատմամբ, իսկ սլովակները՝ ռուսների և Մակեդոնիայի նկատմամբ: Արդյունքում երեք թիմեր (հաշվենք, որ Ռուսաստանն անպայմանորեն կհաղթի Անդորրային) կունենան 20-ական միավոր: Այս դեպքում հաշվվում են այդ երեք թիմերի միջև կայացած խաղերում հավաքած միավորները: Հետևաբար կունենանք այս պատկերը.
1. Հայաստան՝ 20 միավոր և հաշվարկային՝ 7 միավոր (1-ը Ռուսաստանից և 6-ը Սլովակիայից)
2. Սլովակիա՝ 20 միավոր և հաշվարկային՝ 6 միավոր (6-ը Ռուսաստանից)
3. Ռուսաստան՝ 20 միավոր և հաշվարկային՝ 4 միավոր (4-ը Հայաստանից)
Այս ձևով մենք ուղիղ գնում ենք ԵՎՐՈ 2012-ի եզրափակիչ փուլ, սլովակները գնում են անցումային խաղերի, իսկ ռուսները՝ "գրողի ծոցը":