14:54 Մեսսին օգոստոսին կայցելի Հայաստան | |
 Արգենտինայի ազգային հավաքականի երիտասարդ հարձակվող և կատալոնական "Բարսելոնայի" գոլերի անզուսպ վարպետ Լիոնել Մեսսին ու աշխարհի երկրորդ ուժեղագույն թենիսիստուհի Մարիա Շարապովան 2012թ.-ի օգոստոսին կժամանեն Հայաստան: Աշխարհահռչակ աստղերի այցը Հայաստան նվիրված է Գարիկ Մարտիրոսյանի նոր ծրագրին` Comedy WORLD հաղորդաշարին, որը կհեռարձակվի սեպտեմբերի 12-ից ԱՄՆ-ի WSTV հեռուստաալիքով (Խմբ. World Sport TV): Դեռ հայտնի չէ երեկույթի անցկացման վայրը: Հայտնի է միայն, որ աստղերը գալու են Հայաստան մասնավոր այցով՝ հատուկ նրանց համար նախատեսված թռիչքով: Լրագրողղների հետ կայացած հանդիպման ժամանակ գաղտնիքները բացել է այդ շոուի՝ համաշխարհային ճանաչում ունեցող շոուների կազմակերպիչ Դեն Ֆիլքելշթայնմայները: Լրագրողների կողմից տրված հարցերին նա պատասխանել է. Պարոն Ֆիլքելշթայնմայներ, շնորհակալություն, որ համաձայնեցիք զրուցել մեզ հետ: Այդ ի՞նչ նոր շոու է նախապատրաստում ամերիկյան հեռուստաընկերությունը, և ինչու՞ է Հայաստանն ընտրվել այդ շոուի շնորհանդեսի համար: Երևանն ընտրվել է հայտնի հաղորդավար Գարիկ Մարտիրոսյանի խնդրանքով, ով էլ լինելու է Comedy WORLD նոր հաղորդման հաղորդավարը: Թե հաղորդումն ինչ բնույթի է լինելու, դեռևս գաղտնիք է: Առաջին հաղորդումներն անցկացվելու են Երևանում, այնուհետեւ Մոսկվայում ու Լոս-Անջելեսում: Հաղորդմանը կմասնակցեն աշխարհահռչակ շատ աստղեր: Ո՞վ է լինելու Երևանում կայանալիք առաջին հաղորդման հյուրը: Մենք կապ ենք հաստատել Լիոնել Մեսսիի ու Մարիա Շարապովայի գործակալների հետ և պայմանավորվել ենք նրաց մասնակցության մասին: Մանրամասները չեմ կարող գաղտնազերծել, միայն ասեմ, որ Մարիան գալու է իր ապագա փեսացու Սաշա Վույաչեչի հետ, իսկ Մեսսին` իր գործակալների: Հարգելի այցելուներ, շնորհավորում ենք բոլորիդ Ապրիլի 1-ը:
| |
|
| |
| Total comments: 2 | |
|
| |