22:16 "Միակը" իր թիմի նոր խաղացողների, "Բարսելոնայի" հետ խաղի և Պեպեի մասին | |
 Մադրիդի "Ռեալի" 49-ամյա գլխավոր մարզիչ Ժոզե Մոուրինյոն մեկնաբանել է իր թիմի և կատալոնական "Բարսելոնայի" միջև վաղը կայանալիք "Սուպերկլասիկոն"` նշելով, որ օրերս "Վալենսիայի" դեմ կայացած խաղն իրեն չի գոհացրել, քանի որ "Ռեալն" ավելիին է ընդունակ: "Հստակ է մի բան. բոլորս էլ ցանկանում ենք հաղթել կատալոնացիներին: Մենք ուրախ չենք լինի, եթե անգամ ոչ-ոքի խաղանք: Մեզ շատ բարդ խաղ է սպասվում, սակայն մրցակիցը լավ գիտի մեզ, նա գիտի, թե ինչեր կարող ենք անել: Վստահ եմ, որ մեր հարձակվողները մրցակցի դարպասը գրավելու մի շարք շանսեր կունենան, սակայն դրանք պետք է իրացնել, այլապես մեր թիմը չի հաղթի: Եթե իմ տղաները, իրոք, լավ խաղան, ապա հաստատ կկարողանանք հաղթել: Մենք միշտ էլ կարող ենք թե՛ լավ ֆուտբոլ ցուցադրել, թե՛ հաղթել ցանկացած մրցակցի",- ասել է Ժոզե Մոուրինյոն` խորհուրդ տալով բոլորին վաղը կեսգիշերն անց անպայմանորեն հետևել այդ անչափ կարևոր խաղին` այն որակելով որպես վերջին ամիսներին ամենահետաքրքիրը:"Յուրահատուկը" խոսել է նաև իր թիմի առանցքային պաշտպան Պեպեի մասին` վստահեցնելով, որ իր այդ խաղացողը չի մասնակցի "Բարսելոնայի" դեմ կայանալիք խաղին, քանի որ թիմի մարզչական շտաբը չի պատրաստվում մի խաղի համար վտանգի ենթարկել ֆուտբոլիստի առողջությունը: "Պեպեն հաստատ չի խաղա: Նրա վիճակը բարելավվում է, սակայն դա բավական չէ, որպեսզի Պեպեն կարողանա վաղը խաղալ: Մենք չենք պատրաստվում ռիսկի գնալ հանուն ինչ-որ մեկ խաղի",- նշել է պորտուգալացի մարզիչը: Բացի այդ Ժոզե Մոուրինյոն հայտարարել է, որ իր թիմում էլ որոշակի կադրային փոփոխություններ կլինեն: "Շատ հավանական է, որ թիմից ինչ-որ մեկը կհեռանա: Տրանսֆերային պատուհանը մեզ համար բաց կլինի մինչև վերջին վայրկյանը: Ռիկարդու Կառվալյոն մեզ հետ չի մարզվում, սակայն նա դեռ մեր ակումբի խաղացողն է: Իհարկե, չէի ցանկանա, որ նա մնար մեզ հետ, քանի որ չեմ կարծում, թե փորձառու այդ պաշտպանը պատրաստ է նստել պահեստայինների նստարանին: Կական մեզ հետ է մարզվում: Ես պորտուգալացուն գիտեմ դեռ այն ժամանակից, երբ նա երեխա էր: Նա արժանի չէ "պահեստային" պիտակին: Եթե հաջողվի նրա համար լավ տարբերակ գտնել, ապա հոյակապ կլիներ: Եթե չստացվի նրա տրանսֆերը, ապա նա դեռ կարող է մնալ մեր թիմում. ես ուրախությամբ կընդունեմ նրան: Մենք ցանկանում ենք հաղթել թե՛ նրա հետ, թե՛ առանց նրա: Ինչ վերաբերում է Նուրի Շահինի ապագային, ապա կապ չունի, թե որտեղ նա կխաղա: Կարևորն այն է, որ այդ տղան մշտապես կարողանա ֆուտբոլ խաղալ, դաշտ դուրս գա: Կարծում եմ` Անգլիան նրա համար շատ լավ տարբերակ է, իսկ թե որտեղ թուրքը կխաղա, ինձ համար դեռ միևնույն է",- եզրափակել է իր խոսքը "Յուրահատուկը": | |
|
| |
| Total comments: 0 | |