 Իտալական "Միլանի" շվեդ 29-ամյա հարձակվող Զլատան Իբրահիմովիչը շվեդական թերթերից մեկին
տված հարցազրույցում խոստովանել է, որ "Ռոսոներիների" թիմում ինքն իրեն զգում է ինչպես
տանը և ոչ մի դեպքում չի լքի այդ ակումբը, եթե միայն ղեկավարությունը չորոշի
իրեն վաճառել: Նշենք, որ ներկա պահին 29-ամյա շվեդը արձակուրդը անցկացնում է իր
հայրենիքում: "Մեր ակումբի ղեկավարությունը հասկացավ ինձ և մեկ շաբաթ ավել արձակուրդ տրամադրեց, քանի
որ ինձ դա իսկապես հարկավոր էր: Ես այդ ժամանակը կանցկացնեմ իմ երեխաների
հետ հարազատ Շվեդիայում: "Միլանում" ինձ ամեն ինչ գոհացնում է, և ես ոչ մի դեպքում և երբեք չեմ
հեռանա այս գերակումբից: "Բարսելոնայում" անհաջող մրցաշրջանից հետո ես սկսեցի ավելի շատ գնահատել
իմ կարիերայի դրական պահերը: Այո, հնարավոր է, ես գտնվում էի աշխարհի
ամենալավ թիմում, սակայն դա ոչ մի կապ չունի, քանի որ ես ինձ լավ չէի զգում
այնտեղ: "Միլանում" ամեն ինչ այլ է, այստեղ ես ինձ զգում եմ ինչպես տանը",-գոհունակությամբ ասել է Իբրահիմովիչը: |