 Իտալական "Միլանը" լրջորեն դիտարկում է ուժեղացնել թիմի հարձակումը իսպանական "Վիլյառեալի" հարձակվող Ջուզեպպե Ռոսսին գնելով, ով չի ցանկանում հանդես գալ իսպանական "Սեգունդա" տեղափոխված ակումբի կազմում: Ըստ երևույթին, 25-ամյա իտալացի հարձակվողը "ռոսսոներիների" ղեկավարության կողմից էլ դիտարկվում է որպես Զլատան Իբրահիմովիչի արժանի փոխարինող: Հարկ է նշել, որ անցած մրցաշրջանի մեծ մասը ծանրագույն վնասվածքի պատճառով բաց թողած 25-ամյա Ջուզեպպե Ռոսսին "Վիլյառեալի" կազմում անցկացրած մի քանի ոչ միարժեք խաղերի ընթացքում խփել է ընդամենը 3 գնդակ:
|