23:46 "Միլանը" պատրաստ է վաճառել 3 հարձակվողներից մեկին | |
 Հեղինակավոր
Goal.com սպորտային պորտալը տեղեկացնում
է, որ Իտալիայի բազմակի չեմպիոն "Միլանը" պատրաստ է այս ամառային տրանսֆերային պատուհանի
ժամանակ վաճառել իր հարձակվողական եռյակից որևէ մեկին. կա՛մ Ռոբինյոյին, կա՛մ Ալեշանդրե
Պատոյին, կա՛մ Անտոնիո Կասսանոյին: Հաղորդվում է, որ վաճառքից ստացված գումարը "Ռոսսոներիները"
պատրաստվում են ծախսել նոր ձեռքբերումների վրա: Ըստ աղբյուրի ունեցած տեղեկությունների՝
միլանյան գրանդի հիմնական նպատակը թիմում ֆուտբոլիստներին պահելն է, իսկ ավելի ճիշտ՝
հարձակվող Զլատան Իբրահիմովիչի և պաշտպան Տիագու Սիլվայի պահումն է ակումբում, որոնք
բազմաթիվ ու մեկը մյուսից գրավիչ առաջարկներ են ստացել եվրոպական մի շարք ակումբներից: Նշենք, որ Պատոն առաջարկ ունի ֆրանսիական
"ՊՍԺ"-ից, Ռոբինյոյի ծառայություններով հետաքրքրված է բրազիլական "Սանթոսը", իսկ Կասսանոյի
նկատմամբ լրջորեն հետաքրքրված է իսպանական "Մալագան":
| |
|
| |
| Total comments: 0 | |