02:12 Մոուրինյո. "Ուզում եմ լինել այնտեղ, որտեղ ինձ կգնահատեն" | |
 "Չեմպիոնների լիգայի" կիսաեզրափակչի Դորտմունդի "Բորուսիայի" դեմ պատասխան հանդիպումից հետո Մադրիդի "Ռեալի" գլխավոր մարզիչ Ժոզե Մոուրինյոն հայտարարել է, որ իր թիմը հնարավորություն ուներ առաջ գնալու, բայց նրան չհաջողվեց դա անել առաջին խաղի արդյունքի պատճառով (Խմբ. թիմը Դորտմունդում պարտվել էր 1-4 հաշվով:"Ֆուտբոլում դու կա՛մ հաղթող ես, կա՛մ պարտվող: Իմ կարծիքով՝ մենք կարող էինք այսօր հաղթող լինել: Նրանք մի քանի լուրջ պահեր ունեցան, բայց դա ընդամենն այն բանի հետևանքն էր, թե ինչպես էինք մենք խաղում խաղավերջում, երբ հենց գիտակցորեն ռիսկի էինք դիմում: Մենք դրսևորեցինք բնավորություն, ցուցաբերեցինք հաղթելու ցանկություն և լիովին կարող էինք հասնել ցանկալի արդյունքին: Բացի դրանից, մենք պարտվեցինք հենց Դորտմունդում կայացած խաղի հետևանքով, որը անհնար է ջնջել հիշողությունից, որովհետև այնտեղ մենք շատ վատ խաղացինք: Հովարդ Ուեբը իմ սիրելի մրցավարներից մեկն է, բայց այսօր նա ինձ հիասթափեցրեց: Հյումմելսը կարմիր քարտի էր արժանի, և Ուեբը դա տեսավ: Բայց այդ պահին, չգիտես ինչու, ոչ թե արդարացի մրցավար էր, այլ խղճով մարդ: Երևի նա մտածեց, որ Հյումմելսին կարմիր քարտ ցույց տա, ապա խաղացողը ստիպված կլինի բաց թողնել եզրափակիչ խաղը: Հնարավոր է, որ ես հաջորդ մրցաշրջանում արդեն "Ռեալում" չլինեմ: Ուզում եմ լինել այնտեղ, որտեղ ինձ կգնահատեն",- ասել է Մոուրինյոն: | |
|
| |
| Total comments: 0 | |