 Մադրիդի "Ռեալի"
գլխավոր մարզիչ պորտուգալացի Ժոզե Մոուրինյոն "Լիոնի" դեմ տոնած տպավորիչ
հաղթանակից հետո լրատվամիջոցներին տված մամուլի ասուլիսի ժամանակ ասել է.
"Մենք այսօր հաղթեցինք "Լիոնին", քանի որ ավելի ուժեղ էինք
ֆրանսիացիներից: Ես գոհ եմ իմ թիմից և շատ հանգիստ եմ, քանի որ "Ռեալի"`
1/4 եզրափակիչ դուրս գալը ինձ համար նորմալ երևույթ է: Ինչ վերաբերում է
Քրիշտիանոյին, ապա նա խաղից առաջ ասաց, որ ինքը պատրաստ է խաղադաշտ դուրս
գալ, բացի այդ մեր ֆիտնեսի մարզիչները ևս ասում էին, որ Ռոնալդուն պատրաստ է
խաղադաշտ դուրս գալ: Ես հարգում եմ 1/4 հայտնված բոլոր թիմերին: Չէի
ցանկանա խաղալ "Չելսիի" կամ "Ինտերի" հետ: Ես պրոֆեսիոնալ եմ, բայց ցանկալի
կլիներ չխաղալ այն մարդկանց դեմ, ում ես այնքան շատ եմ սիրում": |