 Իսպանական Sport.es սպորտային կայքը տեղեկացնում է, որ Իսպանիայի ֆուտբոլի ֆեդերացիան չի պատրաստվում պատժել Մադրիդի "Ռեալի" գլխավոր մարզիչ Ժոզե Մոուրինյոյին` Իսպանիայի Սուպերգավաթի պատասխան հանդիպման վերջում կատարած "սխրանքի" համար: Բանն այն է, որ պորտուգալացի մասնագետն իր մատը մտցրել էր Պեպ Գվարդիոլայի օգնական Տիտո Վիլանովայի աչքը: Նշվում է, որ եզրային մրցավարն իր զեկույցում չի նշել այդ դեպքի մասին, իսկ Մոուրինյոն էլ հայտարարել է, որ չի ճանաչում Վիլանովա անունով որևէ մեկին: Բայցևայնպես, ողջ համացանցը լցված է այնպիսի նկարներով, որտեղ պարզ երևում է պորտուգալացի մասնագետի ագրեսիան: |