Իսպանիայի առաջնության 9-րդ տուրում "Մալագայի" նկատմամբ խոշոր հաշվով հաղթանակ տոնելուց հետո Մադրիդի "Ռեալի" գլխավոր մարզիչ Ժոզե Մոուրինյոն գովեստի խոսքեր է ասել իր ֆուտբոլիստների հասցեին. "Մենք գերազանց առաջին խաղակես անցկացրինք: "Լիոնի" հետ հանդիպումը նույնպես հրաշալի էր, բայց այս խաղի առաջին կեսն անհամեմատ լավն էր: Իհարկե, չի կարելի համեմատել առաջին և երկրորդ խաղակեսերը, քանզի ավելի լավ խաղալ պարզապես հնարավոր չէր: Ընդմիջումից հետո մեր տղաները փոքր ինչ կորցրին կենտրոնացումը, բացի այդ մրցակիցն էլ սկսեց անհամեմատ լավ գործել: Ինձ բացարձակապես ամեն ինչ դուր եկավ: Խաղացողները գերազանց էին համագործակցում միմյանց հետ, նրանք երկար չէին պահում գնդակն ու մրցակցին գերազանցում էին խաղադաշտի բոլոր հատվածներում: Մենք բացառիկ ֆուտբոլ ցուցադրեցինք",-Մոուրինյոյի խոսքերն է մեջբերում "սերուցքայինների" պաշտոնական կայքը:

  Ռոնալդուն իր հերթին խաղից հետո հայտարարել է, որ թիմի հաջողություններն անձնականից բարձր է դասում: Հեղինակավոր Goal.com սպորտային պորտալը մեջբերում է պորտուգալացի գերաստղի խոսքերը. "Ես գոհ եմ իմ ցուցադրած խաղից, բայց ամենակարևորն այն է, որ մենք 3 միավոր վաստակեցինք: Մենք անհավանական առաջին խաղակես անցկացրինք, որը, իմ կարծիքով, այս մրցաշրջանում անցկացրած բոլոր հանդիպումների լավագույն առաջին խաղակեսն էր":