07:35 Մոուրինյոն հաստատ մնում է | |
 Մադրիդի "Ռեալի" նախագահ Ֆլորենտինո Պերեսը մրցաշրջանի ընթացքում մի քանի անգամ ցանկանում էր հեռացնել պորտուգալացի Մոուրինյոյին թիմի գլխավոր մարզչի պաշտոնից. բանն այն էր, որ Մոուրինյոն շատ զայրացած էր "Լա լիգայի" 16-րդ տուրի "Սևիլիայի"
հետ հանդիպումից հետո: Պորտուգալացի մասնագետի կարծիքով` մրցավարությունը
կողմնակալ էր, և նա հանդերձարանում ակումբի ղեկավարության մի քանի
անդամների ասել էր հետևյալը. "Դուք
ասում եք, որ սա աշխարհի ամենահզոր ակումբն է, բայց դա այդպես չէ
(այնուհետև նա անհարիր արտահայտություններ էր արել): Ես թքած ունեմ նման
հզորության վրա: Իսկ այժմ փոխանցեք իմ խոսքերը նախագահին": Երբ Պերեսն իմացել էր այս խոսքերի մասին, իր հերթին ասել էր. "Կան մարդիկ, ովքեր մտածում են, թե կարող են աշխատել ամենուրեք, և չեն հասկանում, որ "Ռեալն" աշխարհի ամենահզոր ակումբն է: Ոչ բոլորն են կարող դիմադրել այն ճնշմանը, որ կա մեր ակումբում: Ոմանք նույնիսկ խելագարվում են": Մոուրինյոն այս կապակցությամբ պատասխանել էր. "Ես այն մասնագետը չեմ, ում Դուք փնտրել եք, իսկ Դուք այն նախագահը չեք, ում ես եմ փնտրել": Սակայն կար նաև տեղեկություն, որ Պերեսը Մոուրինյոյին չի հեռացնի մրցաշրջանի վերջում միայն մի նախապայմանի դեպքում, եթե վերջինս կարողանա 3 տիտղոսներից գոնե մեկը նվաճել: Այսպիսով` Ժոզեն մնում է: | |
|
| |
| Total comments: 1 | |
|
| |