23:52 Մոուրինյոն նոր մրցաշրջանին լուրջ է տրամադրված | |
 Մադրիդի "Ռեալի" գլխավոր մարզիչ պորտուգալացի Ժոզե Մոուրինյոն լրագրողների հետ կիսվել է այս հանգստյան օրերին մեկնարկող Իսպանիայի առաջնության ակնկալիքներով: Ժոզեն ասել է. "Կարծում եմ, որ անցած տարվա համեմատ մենք ավելի ենք ուժեղացել: Ամռանը հիանալի աշխատանք ենք կատարել: Սակայն պետք չէ բավարարվել ձեռքբերածով":Նշենք, որ իսպանական "Պրիմերայի" նոր մրցաշրջանը "Ռեալը" մեկնարկում է "Սարագոսայի" հետ հանդիպումով: Մոուրինյոն նաև վստահություն է հայտնել, որ "Բարսելոնայի" հետ պայքարն ավելի համառ է լինելու, քան նախորդ մրցաշրջանում. "Վերջին չորս ամսում մենք "Բարսելոնայի" հետ վեց հանդիպում ենք անցկացրել: Եթե ուսումնասիրենք դրանց արդյունքները, կտեսնենք, որ մեր ուժերը գրեթե հավասար են: Չեմ կարծում, որ մրցաշրջանի ընթացքում դրանք փոփոխությունների չեն ենթարկվի":
| |
|
| |
| Total comments: 0 | |