 Իսպանական հայտնի Marca պարբերականը գրում է, որ Մադրիդի "Ռեալի" գլխավոր մարզիչ Ժոզե Մոուրինյոն թիմի ղեկավարներից պահանջել է ամառային տրանսֆերի պատուհանի ժամանակ առաջին հերթին ձեռք բերել Լոնդոնի "Արսենալի" հոլանդացի հարձակվող Ռոբին վան Պերսիին: Հաղորդվում է, որ Լոնդոնի "Արսենալի" 28-ամյա ավագի պայմանագիրը "զինագործների" հետ ավարտվում է 2013թ.-ի ամռանը, և մինչ այսօր կողմերը համաձայնության չեն եկել այն երկարաձգելու համար: Այդ դժվար բանակցություններից ելնելով` լոնդոնցիները հարմար են գտնում հոլանդացուն վաճառել այս ամառ, որպեսզի մյուս տարի ստիպված չլինեն նրան բաց թողնել ազատ ֆուտբոլիստի կարգավիճակով: |