Ինչպես տեղեկացնում է Մադրիդի "Ռեալի" պաշտոնական կայքը, "Արքայական ակումբի" գլխավոր մարզիչ Ժոզե Մոուրինյոն երեկ ստիպված է եղել փախուստի դիմել չինացի խելահեղ երկրպագուների բանակից ազատվելու համար: Միջադեպը տեղի է ունեցել Հուան Չժու չինական քաղաքում, երբ առևտրի կենտրոնի այցելուները ճանաչել են Մոուրինյոյին, ինչից հետո մոտ 200 մարդ վազել է նրա ետևից: Պորտուգալացի մասնագետը փախուստի է դիմել՝ դուրս վազելով դեպի փողոց, իսկ որոշ ժամանակ անց "Ռեալի" անվտանգության աշխատակիցները իրենց հսկողության տակ են վերցրել պորտուգալացուն:
Նշենք, որ մադրիդյան ակումբը ժամանել է Չինաստան երկու ընկերական հանդիպում անցկացնելու նպատակով: Օգոստոսի 3-ին "Ռեալը" կհանդիպի "Հուան Չժու Էվերգրանդ" թիմի, իսկ օգոստոսի 6-ին՝ "Տանցզի Տեդայի" հետ: