Ռուսական "Կրասնոդարի" պաշտոնական կայքը 10 օր շարունակ հարցում էր անցկացնում` 2011թ.-ի թիմի լավագույն ֆուտբոլիստին որոշելու համար: Դեկտեմբերի 30-ին էլ արդյունքներն ամփոփվել են, և լավագույնը ճանաչվել է հայազգի հարձակվող Յուրա Մովսիսյանը: Հարկ է նշել, որ հարցմանը մասնակցել են 7500-ից ավելի երկրպագուներ, որոնց զգալի մասը` շուրջ 71 տոկոսը, իրենց ձայնը տվել են Հայաստանի ազգային հավաքականի ֆուտբոլիստին, ձայների` 18 տոկոսով երկրորդ տեղը զբաղեցրել է կիսապաշտպան Եվգենի Շիպիցինը, իսկ լավագույն եռյակը 6 տոկոսով եզրափակում է բրազիլացի Ժոազինյոն: