 Ռուսական "Կրասնոդարի" սերբ գլխավոր մարզիչ Սլավոլյուբ Մուսլինը արդեն հայտարարել է Հայաստանի ազգային ընտրանու և "ցուլերի" առանքային հարձակվող Յուրա Մովսիսյանի` այս տարի այլևս խաղադաշտ դուրս չգալու մասին: "Յուրայի վնասվածքն այնքան էլ լուրջ չէ, ինչպես կարող էր լինել, սակայն ֆուտբոլիստը շարունակում է բուժվել: Կարծում եմ` նա կվերականգնվի մոտ 15-20 օրից, այսինքն` մինչև այս տարվա վերջ նա խաղադաշտ դուրս չի գա: Չենք պատրաստվում վտանգի տակ դնել Մովսիսյանի առողջությունը: Իսկ հետո արդեն կշարունակի պատրաստվել առաջնության գարնանային հատվածին, եթե, իհարկե, որոշի մնալ "Կրասնոդարում",- սերբ մասնագետի խոսքերն է մեջբերում "Р-Спорт" լրատվական գործակալությունը: |