07:52 Մրցավարի պատճառով "Գանձասարը" չի կարողանում հաղթել | |
 Կապանի "Գանձասարը" Թուրքմենիայի նախագահի անունը կրող գավաթի եզրափակիչ
խաղում 2-1 հաշվով պարտվել է թուրքմենական "Ալթին Ասիր" ակումբին: Կապանյան ակումբի գլխավոր մարզիչ Աբրահամ Խաշմանյանը TotalFootball.am էլեկտրոնային կայքին մանրամասնորեն պատմել է, թե ինչ խարդախություններ են տեղի ունեցել այդ խաղի ժամանակ. "Այս եզրափակիչը նման էր ֆուտբոլային կրկեսի: Խաղից առաջ մեզ հայտնեցին, որ որակազրկված են ու եզրափակիչին չեն կարող մասնակցել մեր թիմի առանցքային ֆուտբոլիստներ հարձակվող Արթուր Քոչարյանն ու արտասահմանցի լեգիոներ Գորան Օբրադովիչը: Որպես որակազրկման պատճառ նշվել է նրանց` հաղթական ժեստերը կիսաեզրափակչում իրացրած 11 մետրանոցներից հետո" (այդ մասին մենք խոսել էինք մի քանի օր առաջ, երբ հայտնեցինք, որ "Գանձասարը" հաղթել է իր մրցակցին և դուրս եկել եզրափակիչ): Ըստ գլխավոր մարզիչ Խաշմանյանի սա միայն սկիզբն է եղել: Առաջին խաղակեսն անցել է հավասար պայմաններում և դարպասի գրավում չի արձանագրվել, սակայն երկրորդ կեսի սկզբում "Գանձասարի" դարպասին նշանակվել է առաջին վիճահարույց 11 մետրանոցը, որի անվրեպ իրացումից հետո թուրքմեններն առաջ են անցել հաշվի մեջ: Բայց որոշ ժամանակ անց Վահե Դավթյանի գոլի շնորհիվ հաշիվը հավասարվել է: Խաղավարտին մոտ"Գանձասարի" դարպասին երկրորդ 11 մետրանոցն է նշականվել, որը թուրքմենները չեն կարողացել անվրեպ իրացրել, սակայն հանդիպման մրցավարը որոշել է ևս մեկ 11 մետրանոցհարված շանակել կապանյան թիմի դարպասին, որից հետո էլ "Ալթին Ասիրը" կարողացել է հաղթել 2-1 հաշվով: Վերջում հիշեցնենք, որ "Գանձասարը" երկրորդ տեղը զբաղեցնելու համար կստանա 10 հազար ամերիկյան դոլար, իսկ հաղթող թիմը կարժանանա 20 հազար դոլարի: Հավելենք նաև, որ սա հայկական ակումբների լավագույն ելույթն էր այս մրցաշարում: Ավելացնենք նաև, որ մրցաշարի 17-ամյա պատմության ընթացքում գավաթը միայն երեք անգամ է հեռացել Թուրքմենստանից: 1998թ.-ին հաղթող է դարձել իրանյան "Էսթեղլալը", 2002թ.-ին՝ Քութաիսի "Տորպեդոն", իսկ 2006թ.-ին՝ մոլդովական "Դաչիան": | |
|
| |
| Total comments: 0 | |