19:41 Մխիթարյան. "Մենք խաղալու ենք հաղթանակի համար" | |
 Հայաստանի ազգային հավաքականի ու Դոնեցկի "Շախտյորի" առաջատար ֆուտբոլիստ Հենրիխ Մխիթարյանը Tuttosport-ի հետ հարցազրույցում խոսել է նաև "Չեմպիոնների լիգայի" խմբային փուլի` Թուրինի "Յուվենթուսի" հետ կայանալիք դիմակայության մասին: Հիշեցնենք, որ E խմբում առաջատարը "Շախտյորն" է, "Յուվենթուսը"` երկրորդը: Մրցաշարի հաջորդ փուլ դուրս գալու համար, իտալական ակումբին անհրաժեշտ է խուսափել պարտությունից: "Հիանալի է գիտակցել, որ մենք արդեն հիմա հաղթահարել ենք խմբային փուլը, չնայած դեռ չի կայացել ամենակարևոր հանդիպումը: "Յուվենթուսի" հետ հանդիպումը կորոշի, թե ով է լինելու առաջինը: Մեր հաղթաթղթերը` հիանալի բրազիլացիներն ու մարզիչն են, ով գիտի թե ինչպես պետք էմոտիվացնել թիմին: Մեզ բավարարում է նաև ոչ-ոքին, որպեսզի ավարտենք խմբային փուլը առաջին հորիզոնականում, սակայն մենք պատրաստվում ենք խաղալ միմիայն հաղթանակի համար: Երկրպագուներն էլ կգան խաղադաշտ` տեսնելու մեր ակումբի հաջողությունը և մենք կխաղանք հենց նրանց համար",- ասել է Ուկրաինայի առաջնության լավագույն ռմբարկու Հենրիխ Մխիթարյանը:
| |
|
| |
| Total comments: 0 | |