Անգլիական "Մանչեսթեր Յունայթեդի" արդեն նախկին պաշտպան Գարի Նևիլը բրիտանական ԶԼՄ-ներին հայտնել է, որ չի պատկերացնում, թե ով կկարողանա փոխարինել Ալեքս Ֆերգյուսոնին՝ "կարիմիր սատանաների" գլխավոր մարզչի պաշտոնում: "Ֆերգյուսոնն աշխարհի լավագույն մասնագետն է: Նա կաշխատի "Մանչեսթերում" այնքան, որքան կցանկանա, որի համար էլ իմաստ չունի քննարկել, թե ով կկարողանա փոխարինել նրան: Նա դեռ չի պատրաստվում ավարտել իր կարիերան, այս հարցում ես ուղղակի համոզված եմ: Գիտեմ` "կարմիր սատանաների" բոլոր երկրպագուները երազում են, որ Ֆերգյուսոնը հավերժ մարզի իրենց սիրելի թիմը: Բացի Ալեքս Ֆերգյուսոնից, աշխարհի լավագույն մարզիչները, այսօրվա դրությամբ, համարվում են Մոուրինյոն և Գվարդիոլան: Սակայն դժվար թե նրանք արժանիորեն կարողանան փոխարինել Ֆերգյուսոնին",-ասել է Նևիլը: