Բրեմենի "Վերդերի" բրազիլացի երբեմնի ահեղ պաշտպան Նալդոն, ով նախորդ տարվա հուլիսին ստացած ծնկի վնասվածքի պատճառով բաց էր թողել շուրջ մեկ տարի, վերսկսել է իր մարզումները. այս մասին տեղեկացնում է գերմանական հեղինակավոր Bild հանդեսը:
Հիշեցնենք, որ բրազիլացի ֆուտբոլիստը ձմռանը վիրահատության էր ենթարկվել, որն արագացրել էր վերջինիս ապաքինումը: Ըստ Նալդոյի խոսքերի՝ նա անչափ ուրախ է, որ հնարավորություն ունի կրկին խաղադաշտ դուրս գալ: Նա նաև նշել է, որ ցավերն այլևս անցյալում են, և այսօրվանից կփորձի դառնալ աշխարհի լավագույն պաշտպաններից մեկը և ընդգրկվել Բրազիլիայի ազգային թիմում՝ մասնակցելով 2014թ.-ի աշխարհի առաջնությանը: