 Անգլիական ԶԼՄ-ները տեղեկացնում են, որ Լոնդոնի "Արսենալի" և Ֆրանսիայի ազգային հավաքականի կիսապաշտպան Սամիր Նասրին և "Արսենալի" ղեկավարությունը ոչ մի կերպ չեն կարողանում համաձայնության գալ նոր պայմանագրի շուրջ: Հիմնական պատճառը կայանում է նրանում, որ Նասրիին առաջարկվում է 5 տարվա պայմանագիր` շաբաթական 90 հազար ֆունտ աշխատավարձով, որին այդքան էլ կողմ չէ ֆրանսիացին: Այս առիթով լոնդոնյան "զինագործների" գլխավոր մարզիչ ֆրանսիացի Արսեն Վենգերն ասել է. "Մենք չենք կարողանում համաձայնության գալ Նասրիի հետ ֆինանսական հարցերում, սակայն բանակցությունները շարունակվում են: Մեկ բան կարող եմ ասել. Նասրին "Մանչեսթեր Յունայթեդ" չի տեղափոխվի": |