Անգլիական "Արսենալից" օրերս "Մանչեսթեր Սիթի" տեղափոխված ֆրանսիացի 24-ամյա տաղանդաշատ եզրային կիսապաշտպան Սամիր Նասրին գովեստի խոսքեր է ասել "քաղաքաբնակների" երկրպագուների հասցեին: "Իմ նախկին ակումբ "Արսենալը" շատ լավ երկրպագուներ ունի, բայց "Հայբերիից" տեղափոխվելուց հետո նրանք փոքր-ինչ սառել էին: Հիշում եմ, երբ մենք խաղում էինք "Մանչեսթեր Սիթիի" դեմ և պարտվեցինք 3-0 ստորացնող հաշվով, նրանց երկրպագուները պարզապես հիասքանչ էին: Ես հենց այդպիսի աջակցություն եմ ուզում: Ես "Սիթի"  եմ տեղափոխվել, որովհետև ցանկանում եմ տիտղոսներ նվաճել: Պատկերացրեք, որ մեծ անհամբերությամբ եմ սպասում նոր թիմում իմ մեկնարկին: Իհարկե, ափսոսում եմ, որ ստիպված էի լքել Վենգերին ու "Արսենալը", բայց այլ կերպ չէր լինի",-ասել է ֆրանսիացին: