 Իտալական հեղինակավոր Il Corriere dello Sport պարբերականը տեղեկացնում է, որ բրազիլական գրանդ "Սանթոսի"
երկու առաջատարներ Նեյմարն ու Գանսոն հայտարարել են, որ այս ամռանն իրենք չեն
պատրաստվում հեռանալ Բրազիլիայից և տեղափոխվել եվրոպական ակումբ: Երիտասարդ
հարձակվող Նեյմարն ասել է. "Ես մնում եմ "Սանթոսում":
Ամենածայրահեղ դեպքում կհեռանամ ավելի ուշ, սակայն այս ամռանը չեմ պատրաստվում
հեռանալ": Իր հերթին երիտասարդ և տաղանդավոր կիսապաշտպան, խաղադաշտում թիմակիցներին գնդակներ
մատակարարող Գանսոն էլ այսպես է արտահայտվել. "Ինձ ցանկանում են գնել մի շարք եվրոպական հզոր
ակումբներ, սակայն ես հիմա մտածում եմ միայն Բրազիլիայի ազգային առաջնության և
աշխարհի "Ակումբային առաջնության" մասին, որտեղ հանդես է գալու մեր "Սանթոսը": |