Լոնդոնի "Արսենալի" երիտասարդ կիսապաշտպան Ջեկ Ուիլշերը պատմել է իր հետաքրքրությունների մասին և նշել, որ իր համար twitter միկրոբլոգը երկրպագուների հետ ավելի մոտիկից շփվելու ամենալավ միջոցն է: "Ինձ համար անչափ հետաքրքիր է իմանալ երկրպագունների կարծիքը մեր անցկացրած խաղերի վերաբերյալ: Երբ ես առաջին անգամ տեսա Սեսկին twitter-ում, որոշեցի հետևել նրա օրինակին: Որոշ ժամանակ ամբողջովին տարվել էի twitter-ով, կարդում էի բոլոր երկրպագուների հաղորդագրությունները կայացած խաղերի վերաբերյալ: Բայց այժմ փորձում եմ ավելի շատ քննադատությունները կարդալ: Ֆուտբոլիստները twitter-ի և այլ սոցկայքերի միջոցով ավելի են մոտենում իրենց երկրպագուներին, դա է պատճառը, որ այժմ գրեթե բոլորը գրանցվել են այդ միկրոբլոգում",-ասել է Ուիլշերը: