Լոնդոնի "Արսենալի" ֆրանսիացի գլխավոր մարզիչ Արսեն Վենգերը հայտարարել է, որ իր թիմի անգլիացի հարձակվող Թեո Ուոլքոթը երեկվա "Բոլթոնի" հետ խաղում (Խմբ. խաղն ավարտվել է "զինագործների" հաղթանակով 3-0 հաշվով) ծնկի վնասվածք է ստացել: "Ուոլքոթը ծնկի վնասվածք է ստացել, և դեռ պարզ չէ, թե ինչքան ժամանակ կպահանջվի նրանից լիարժեքորեն վերականգնվելու համար: Ամեն դեպքում նա վաղը մանրազնին բուժզննում կանցնի ակումբի մարզաբազայում",- խաղից հետո ասել է Վենգերը Sky Sports լրատվամիջոցին տված հարցազրույցում: