Home » 2011 » Հուլիս » 25 » Ուրուգվայը նվաճեց "Ամերիկայի գավաթը"
22:08
Ուրուգվայը նվաճեց "Ամերիկայի գավաթը"

Երեկ ավարտվեց "Ամերիկայի գավաթի" խաղարկությունը. եզրափակիչ խաղում մրցեցին Պարագվայի և Ուրուգվայի ազգային հավաքականները: Խաղից առաջ այս դիմակայության ֆավորիտ միջազգային բուքմեյքերական գործակալությունները համարում էին ուրուգվայցիներին, ովքեր էլ կարողացան վստահ հաղթանակ տանել մի տեսակ խամրած մրցակցի նկատմամբ:
Եզրափաչում Ուրուգվայի հավաքականի ֆուտբոլիստներն ամբողջ հանդիպման ընթացքում տարածքային և խաղային մեծ առավելություն ունեին, որն էլ նյութականի վերածեցին Լուիս Սուարեսի և Դիեգո Ֆոռլանի անհատական բարձր վարպետության շնորհիվ: Նախ խաղի հաշիվը գեղեցիկ կերպով բացեց անգլիական "Լիվերպուլի" 7 համարը` Լուիս Սուարեսը, ապա իր հաշվին դուբլ գրանցեց ուրուգվայցիների թիմի ավագը:
Այսպիսով` Ուրուգվայը 15-րդ անգամ տիրացավ Ամերիկայի գավաթին` սահմանելով յուրատեսակ ռեկորդ այս մրցանակի պատմության ընթացքում:


Category: Թեժ գիծ ֆուտբոլի աշխարհից | Views: 468 | Added by: Hartsat | Rating: 5.0/2
Total comments: 0