23:47 Փոլ Սքոուլզ. "Ֆերգյուսոնը ցանկանում էր, որ ես մնայի" | |
 Անգլիական "Մանչեսթեր Յունայթեդի" անգլիացի հենակետային կիսապաշտպան Փոլ Սքոուլզը, ով անգլիական "Պրեմիեր լիգայի" 2010-2011թթ.-ների ավարտվելուն պես ավարտեց կարիերան, լրագրողներին պատմել է, որ "կարմիր սատանաների" գլխավոր մարզիչ շոտլանդացի Սըր Ալեքս Ֆերգյուսոնն իրեն գրեթե համոզել էր չավարտել կարիերան: Փոլը կարիերան ավարտեց այն ժամանակ, երբ "մանկունյացիները" նվաճեցին իրենց համար պատմական 19-րդ տիտղոսը: Բրիտանական Sky Sports հեռուստաընկերությանը պատկանող պարբերականը մեջբերում է Սքոուլզ-լեգենդի խոսքերը. "Ֆերգյուսոնը ցանկանում էր, որ ես մնայի և չավարտեի կարիերաս: Նա հաջորդ մրցաշրջանում պատրաստվում էր ինձ խաղադաշտ դուրս բերել 15-20 խաղ: Ես հիմնականում ավարտեցի կարիերաս, քանի որ մարզումների ժամանակ ես ոտքերիս հատվածում ցավեր ունեի: Ես որոշակի ազատ ժամանակ ստացա և այդ ընթացքում հասկացել եմ, որ չեմ կարող գալիք մրցաշրջանում այլևս բարձր մակարդակով խաղ ապահովել, այդ պատճառով էլ ավարտեցի կարիերաս":Հիշեցնենք, որ գանգրահեր լեգենդը "մանկունյացիների" կազմում նվաճել է 2 "Չեմպիոնների լիգայի" գավաթ, 10 "Պրեմիեր լիգայի" չեմպիոնական գավաթ և 3 Անգլիայի գավաթ:
| |
|
| |
| Total comments: 0 | |