Ինչպես հայտում է Երևանի "Փյունիկի" պատոնական կայքը, Հայաստանի երիտասարդական հավաքականի եզրային կիսապաշտպան Արտակ Ալեքսանյանը հեռացել է Հայաստանի բազմակի չեմպիոնի ճամբարից: Ֆուտբոլիստի հետ փոխադարձ համաձայնությամբ խզվել է գործող պայմանագիրը: Արտակը որոշել է մեկնել Ռուսաստան: Նշենք, որ այս ամենի պատճառ է հանդիսացել խաղացողի և ակումբի ղեկավարության միջև անսպասելիորեն ծագած բարդ տարաձայնությունները:
Հավելենք, որ Արտակ Ալեքսանյանը ֆուտբոլային կարիերան սկսել է Մոսկվայի "Սպարտակի" մարզադպրոցում, իսկ 2009թ. տեղափոխվել է Երևանի "Փյունիկ", որտեղ մեկ մրցաշրջան անցկացնելուց հետո վերադարձել է Ռուսաստան, տեղափոխվել Եկատերինբուրգի "Ուրալ": Ռուսական ակումբում Ալեքսանյանը ծանր վնասվածքի պատճառով բավական քիչ ժամանակ է անցկացրել խաղադաշտում, իսկ 2011թ.-ի հունվարին կրկին վերադարձել է "Փյունիկ":
Նշենք նաև, որ Ալեքսանյանը Հայաստանի մինչև 19 և 21 տարեկանների հավաքականներում հանդես գալու փորձ ունի: Բացի այդ, ֆուտբոլիստն իր նորամուտն արդեն նշել էՀայաստանի ազգային հավաքականի կազմում: