 Ինչպես տեղեկացնում է իտալական Radio
Radio ռադիոկայանը, իտալական "Պալերմոն" Պաստորեի տեղափոխության համար 45 մլն եվրոյանոց առաջարկ է ստացել: Սրա մասին լրատվամիջոցներին անձամբ է տեղեկացրել սիցիլիացիների նախագահ Մաուրիսիո Ձամպարինին: Վերջինս ասել է. "Երեկ ես շահավետ առաջարկ եմ ստացել մի եվրոպական ակումբից, որը ցանկանում է մեծ գումարով գնել Խավյեր Պաստորեի տրանսֆերը, սակայն այդ ակումբն Իտալիայից չէ: Դա շատ մեծ ակումբ է: Սկզբից ես զրույց ունեցա նրանց սպորտային տնօրենի հետ, որից հետո, տալով իմ համաձայնությունը, նրանց ասացի, որ կապ հաստատեն ֆուտբոլիստի գործակալի հետ: Նրանց ներկայացուցիչն խնդրեց ինձ Պաստորեի տրանսֆերը 50 մլն եվրոյից իջեցնել մինչև 45 մլն: Ինչ վերաբերում է "Ռոմային", ապա եթե նրանք իսկապես ցանկանում են գնել Պաստորեին, ապա պետք է ավելի արագ գործեն: Պաստորեի տրանսֆերն իրականություն կդառնա մոտակա 10 օրերի ընթացքում: Ես դեռ հռոմեացիներից որևէ պաշտոնական առաջարկ չեմ ստացել",-նշել է Ձամպարինին: |