 Իտալական "Պալերմոյի" փոխնախագահ Գիլյերմո Միչիչին այսօր մամուլի ասուլիսի է հրավիրել լրագրողներին, որի ժամանակ խոսել է իրենց առաջատար կիսապաշտպան Խավյեր Պաստորեի ապագայի մասին: Հեղինակավոր Goal.com սպորտային պորտալը մեջբերում է Միչիչիի խոսքերը. "Կարող եմ ասել, որ Պաստորեն, ամենայն հավանականությամբ, կտեղափոխվի "Չելսի": Միաժամանակ կարող եմ ասել, որ, բացի "Չելսիից", շատ հեղինակավոր ակումբներ են ցանկանում իրենց կազմում տեսնել Պաստորեին: Պաստորեն ցանկանում է տեղափոխվել հեղինակավոր ակումբ, և այդպիսի ակումբներից մեկի հետ բանակցությունները հիանալի կերպով առաջ են ընթանում": |