 "Բարսելոնայի" հարձակվող Պեդրոն իր թիմի հաղթանակը նվիրել է գլխավոր մարզիչ Տիտո Վիլանովային: "Մենք, իրոք, շատ էինք ուզում հաղթել և մեր այս հաղթանակը նվիրել Վիլանովային: Տիտոյի մոտ լուրջ առողջական խնդիրներ կային, բայց այժմ նա կրկին մեր թիմի հետ է: Եվ ես շատ ուրախ եմ` մեզ հաջողվել է հաղթել: Հիմա մենք պետք է շարունակենք մեր հաղթարշավը: "Բարսելոնան" ոչ մի դեպքում չպիտի միավորներ կորցնի: Խաղից առաջ Վիլանովան թիմին ասաց, որ մենք հանգիստ լինենք և խաղանք այնպես, ինչպես կարողանում ենք` չվախենալով մեր մրցակցից, որի կազմում կային խաղացողներ, ովքեր ունակ էին լուրջ խնդիրներ ստեղծել մեզ համար",- ասել է Պեդրոն, ով դուբլի հեղինակ դարձավ: |