Ֆուտբոլի բրազիլացի լեգենդ Պելեն կարծիք է հայտնել, ըստ որի` "Բարսելոնայի" խաղաոճն ապագայում պետք է լավ օրինակ ծառայի հետնորդների համար, քանի որ տեխնիկական հմտությունները միշտ էլ գերազանցելու են ֆիզիկական ուժին: Պելեն համեմատել է "Բարսելոնան" այլ գրանդ ակումբների հետ, որոնք գերակայել են Եվրոպայում նախկին տարիների ընթացքում, ինչպիսիք են օրինակ "Բենֆիկան", "Այաքսը", "Միլանը" և, իհակե, Մադրիդի "Ռեալը":

   "Նայեք Գերմանիային: Նրանք այսօր ավելի շատ տեխնիկական ֆուտբոլ են ցուցադրում և դա հենց այն ֆուտբոլն է, որը մենք ցանկանում ենք տեսնել: Մենք ուզում ենք տեղաշարժվելիս տեսնել գնդակը, այլ ոչ թե ֆուտբոլիստներին, և դա միայն նկատելի է այն թիմերի մոտ, որոնք, իսկապես, կազմակերպված են: Վերջերս ես շատ եմ հետևել "Բարսելոնայի" խաղերին, և նրանք հիշեցնում են ինձ "Սանթոսին" իմ լավագույն տարիներին, կամ "Բենֆիկային", "Այաքսին", "Միլանին", "Ռեալին"... Բոլորն էլ իրենց ժամանակին ստանդարտներ են սահմանել, և նրանց հաջողության գաղտնիքը երկար ժամանակ նույն ֆուտբոլիստներով ելույթ ունենալն էր",- հավելել է "Ֆուտբոլի արքան":