 Կատալոնական "Բարսելոնայի" երիտասարդ գլխավոր մարզիչ Խոսեպ Գվարդիոլան ամենաքիչը ևս մեկ տարի կմարզի իր ներկայիս թիմը: Լոնդոնի "Ուեմբլի" մարզադաշտում "Չեմպիոնների լիգայի" եզրափակիչ խաղի ավարտից հետո կատալոնացի մասնագետը լրագրողների հետ կայացած մամուլի ասուլիսի ժամանակ հայտարարել է. "Ես ցանկանում եմ ևս մեկ տարի մարզել այս թիմը: Իսկ հետո կտեսնենք: Այլ ակումբում հաստատ իմ համար հեշտ չի լինի, քանի որ կլինեն ուրիշ խաղացողներ, իսկ մարզիչը կախված է իր խաղացողներից: Պարզ է, հիմա, երբ մենք ամեն ինչ հաղթում ենք, աղջիկները մեր ոտքերն են ընկնում, բայց դա հավերժ չէ ու կարող է մեկ ժամում փոխվել: Օրինակ, վերցնենք Մեսսիին: Ես նրանից լավին չեմ տեսել ու հավանաբար չեմ էլ տեսնի": |