 Կատալոնական "Բարսելոնայի" կենտրոնական պաշտպան և Իսպանիայի ազգային ընտրանու խաղացող Խերարդ Պիկեն այսօր հայտարարել է, որ "ԵՎՐՈ 2012"-ի կիսաեզրափակչի իրենց մրցակցի` Պորտուգալիայի ազգային ընտրանու կազմում լավագույն և ուժեղ խաղացողներ շատ կան, թեև իհարկե, նրանց առաջատարը Մադրիդի "Ռեալի" հարձակվող Քրիշտիանու Ռոնալդուն է: "Մեզ սպասվում է հետաքրքիր դիմակայություն պորտուգալացիների հետ: Ռոնալդուի հետ ես վաղուց եմ ծանոթ, բացի այդ` Պորտուգալիայի կազմում են խաղում "Ռեալի" երկու պաշտպանները` Պեպեն ու Կոենտրաուն, որոնց հետ ես նույնպես պայքարել եմ իմ թիմի` "Բարսելոնայի" կազմում: Այս տարի պորտուգալացիները հոյակապ հավաքական ունեն, և ստիպված կլինենք մի լավ չարչարվել` նրանց դիմադրությունը կոտրելու համար",- ասել է իսպանացի երիտասարդ պաշտպանը: |