 Վերջերս կատալոնական "Բարսելոնայի" առանցքային պաշտպան Խերարդ Պիկեն ցանկություն է հայտնել ապագայում դառնալ "կապտանռնագույն" ակումբի նախագահը: Իսպանիայի ազգային հավաքականի անփոխարինելի ֆուտբոլիստը չի հրաժարվում իր մտադրությունից, թեև վստահ չէ, որ իր ցանկությունը իրականություն կդառնա: "Այո, ես ցանկանում եմ լինել "Բարսելոնայի" նախագահը, սակայն չգիտեմ՝ կիրականանա՞ արդյոք իմ երազանքը: Նշեմ միայն, որ "Բարսայի" ֆուտբոլիստ լինելն արդեն իսկ մեծ առավելություն է: Մեր թիմը միլիոնավոր երկրպագուներ ունի, որոնք մեզ շատ են սիրում",-հայտարարել է Պիկեն իսպանական Marca հանդեսին տված հարցազրույցի ժամանակ: |