Կատալոնական "Բարսելոնայի" բարձրահասակ կենտրոնական պաշտպան Խերարդ Պիկեն Իսպանիայի Սուպերգավաթի խաղարկությունից հետո անկեղծորեն կիսվել է Մադրիդի "Ռեալի" գլխավոր մարզիչ Ժոզե Մոուրինյոյի մասին իր կարծիքով. այս մասին հաղորդում է իսպանական AS հանրահայտ հանդեսը: "Պետք է խոստովանել վերջապես, որ Մոուրինյոն քանդում է իսպանական ֆուտբոլն ու եղբայրությունը: Կարծես թե նա ուզում է վերջ տալ Իսպանիայի ազգային հավաքականի խաղացողների մտերմությանը: Տեսեք, թե ինչ է կատարվում "Ռեալի" ներսում: Սա նման առաջին դեպքը չէ: Ժամանակն է այս ամենի դեմն առնել ու ֆուտբոլիստների պահանջով նրան հեռացնել Իսպանիայից":