 Իտալական "Միլանին" պատկանող երիտասարդ ու տաղանդավոր հարձակվող Ալբերտո Պալոսկին հաջորդ մրցաշրջանում վարձավճարով հանդես կգա "Կիևոյի" կազմում: Նշենք, որ Ալբերտո Պալոսկին Իտալիայի երիտասարդական հավաքականի ֆուտբոլիստ է: Նախորդ 6 ամիսները ֆուտբոլիստը վարձավճարային հիմունքներով անց է կացրել "Ջենոայի" կազմում ու քանի որ իր հարազատ թիմում հարձակման գծի մրցակցությունը չափազանց մեծ է, Պալոսկին կրկին ստիպված է լինելու խաղային փարձ ձեռք բերել "Սան Սիրոյի" սահմաններից դուրս: Եթե "Կիևոյի" ղեկավարությանը բավարարի հարձակվողի խաղը, ապա ակումբը հնարավորություն կունենա մրցաշրջանի ավարտից հետո ձեռք բերել ֆուտբոլիստի ամբողջական տրանսֆերը` վճարելով շուրջ 8 մլն եվրո: |