 Իսպանական Sport.es սպորտային պորտալը տեղեկացնում է, որ կատալոնական "Բարսելոնայի" անփոխարինելի կետրոնական պաշտպան և ավագ Կառլես Պույոլը, ամենայն հավանականությամբ, չի կարողանա մասնակցել Իսպանիայի սուպերգավաթի խաղարկությանը: Բանն այն է, որ օգոստոսի կեսերին կայանալիք առաջին հանդիպմանը Պույոլը չի հասցնի վերականգնվել: Անցած մրցաշրջանի ավարտից հետո ֆուտբոլիստը ձախ ծնկի վիրահատության էր ենթարկվել, և չնայած ամեն ինչ բարեհաջող էր անցել, ապաքինումը ցույց է տալիս, որ Իսպանիայի հավաքականի խաղացողը չի կարողանա մասնակցել երկրի սուպերգավաթի խաղարկությանը: |