 Հիմա էլ տեղեկություններ են տարածվել, որ Թուրինի "Յուվենթուսի" վետերան հարձակվող Ալեսանդրո Դել Պյերոն կարող է հայտնվել ֆրանսիական "ՊՍԺ"-ում, սակայն այս անգամ ոչ թե փարիզյան ակումբն է ցանկանում գնել իտալացուն, այլ փարիզցիների կիսապաշտպան Մոմո Սիսոկոն է ուզում, որպեսզի մեծն Պյերոն դառնա իր խաղընկերը: "ՊՍԺ"-ի պաշտոնական կայքը մեջբերում է Սիսոկոյի խոսքերը. "Երբ հանդես էի գալիս "Յուվենթուսում", հնարավորություն ունեի լինել Ալեսանդրոյի խաղընկերը: Նա մեծագույն ֆուտբոլիստ է և լավ մարդ: Մեծատառով պրոֆեսիոնալ է: Շատ կուրախանայի, եթե Ալեսանդրոն որոշեր տեղափոխվել Փարիզ: Հենց նրա նման ֆուտբոլիստներ են պետք մեզ":
|