11:08 "ՊՍԺ"-ն ցանկանում է կազմը համալրել Ռիբերիով | |
 Իտալական հեղինակավոր Itasportpress պարբերականը տեղեկացնում է, որ ֆրանսիական "ՊՍԺ" ֆուտբոլային ակումբի ղեկավարությունը շատ է ցանկանում իր կազմը համալրել Ֆրանսիայի ազգային հավաքականի և Մյունխենի "Բավարիայի" հարձակվողական ոճի կիսապաշտպան Ֆրանկ Ռիբերիով: Բանն այն է, որ ֆրանսիական ակումբի նորանշանակ սպորտային տնօրեն Լեոնարդոն պատրաստվում է ակումբ բերել բարձր մակարդակ ունեցող ֆուտբոլիստների և հույս ունի, որ Ռիբերին կցանկանա վերադառնալ հայրենիք, քանի որ վերջին մրցաշրջանում այդքան էլ չփայլեց մյունխենյան ակումբի կազմում:Նշենք, որ 28-ամյա Ռիբերին գերմանական "Բունդեսլիգայի" 2010/11թթ. մրցաշրջանում մյունխենյան ակումբի կազմում խաղադաշտ է դուրս եկել 25 անգամ և բավարարվել է ընդամենը 7 խփած գնդակով: Հարկ է նշել, որ բացի "ՊՍԺ"-ից, Ռիբերիի ծառայություններով հետաքրքրված է նաև Թուրինի "Յուվենթուսը", որն արդեն հասցրել է համալրվել մի քանի բարձրակարգ ֆուտբոլիստներով:
| |
|
| |
| Total comments: 0 | |